பெரம்பலூர் மாவட்டம், குன்னம் வட்டம், அத்தியூர் கிராமத்தில் கிராம இளைஞர்கள், வெளிநாடு வாழ் இளைஞர்கள் மற்றும் ஊர் பொதுமக்கள் ஒத்துழைப்புடன் அத்தியூர் கிராமத்தில் முக்கிய இடங்களில் புதியதாக அமைக்கப்பட்ட 22 கண்காணிப்பு கேமராக்கள் கட்டுப்பாட்டு அறையை (சிசிடிவி) மாவட்ட காவல்துறை கண்காணிப்பாளர் ஷ்யாமளா தேவி திறந்து வைத்தார்.
மேலும் அத்தியூர் கிராமம் முழுவதும் சிசிடிவி கேமராக்களை அமைத்த ஊர் பொதுமக்களையும், சிசிடிவி கேமராக்களை அமைத்துக் கொடுத்த திட்டக்குடி ஆர்விஎஸ் டெக்னாலஜி நிறுவனத்தையும் எஸ்பி ஷ்யாம்ளா பாராட்டினார். இதேபோல் பெரம்பலூர் மாவட்டத்தில் உள்ள அனைத்து கிராம ஊராட்சி பொதுமக்களும் இது போன்ற முயற்சியில் ஈடுபட்டு தங்கள் ஊரில் சிசிடிவி கேமராக்களை பொருத்தி பயனடைய வேண்டும் என கேட்டுக்கொண்டார்.
பொங்கல் பண்டிகை விளையாட்டுப் போட்டிகளை தகுந்த முன்னெச்சரிக்கையுடனும், பாதுகாப்புடனும் போட்டிகளை நடத்தி பண்டிகையை சிறப்பாக கொண்டாடுமாறு அறிவுறுத்தினார். இந்நிகழ்ச்சியில் ஏடிஎஸ்பி மதியழகன், டிஎஸ்பி சீராளன், மங்களமேடு காவல் உதவி ஆய்வாளர் சரவணகுமார் மற்றும் பொதுமக்கள் கலந்து கொண்டனர்.
